Танымал жазушы Заря Жұманова - «Екіге бөлінбейтін келіншек», «Түнгі оттар», «Сіз іздеген әлем», «Ақбота», «Күләйша, Рокфеллер және басқалар», «Запах дождя», т.б. атты прозалық кітаптардың авторы. Оның жаңа кітабы балалар мен жасөспірімдерге арналған. Кітаптың тілі тартымды, оқиғалары қызықты.

Балаларға арналған «Таныстар татулығы» атты жинақ жас оқырмандарды адамгершілікке, достықты берік сақтауға үндейді. Жазушының қиял-ғажайып ертегілері адамды елітіп әкетіп, тартымды әрі қызықты оқылуымен ерекшеленеді.

Бұл жинаққа Бағдат Мәжитовтың «Ауылдың суреті» атты кітабында әңгімелер мен әлем халықтарының ертегілері, өлеңдер, жұмбақтар, метаграммалар кіріп отыр. Қітапта балалар және жасөспірімдердің өмірінен өткен қызықты сәттері, қиялдары мен армандары, қызықты ертегілер, өздеріне тән болмыс-бітімдері суреттеледі.

Ернұр Сейдахмет республикалық «Астана-Байтерек», «Балауса», халықаралық «Дарабоз» конкурстардың жеңімпазы аталған жас балалар ақыны. Жарық көрген «Жалқау құмырысқа» атты өлеңдер жинағы өзінің шебер жазулуымен кімді болса да бей-жай қалдырмасы анық. Тілі жатық, ойы үшкір, тәлім-тәрбиесі мол жинақты әр баланың сүйіп оқитынына сенімдіміз. Ербол Шаймерденұлы

«Әлем халықтарының ертегілері» - біздің бабаларымыз үшін ауыз айтып жеткізе алмас ғажайып бір сыйлық. Өйткені бұл кітапқа автордың тәржімалауымен ең таңдаулы ертегілер енгізіліп отыр.Әлем халықтарының әдеби қазынасынан сыр шертетін туындының бүлдіршіндерді ғана қуантып қоймай, ересектер үшін де рухани азық болары сөзсіз. Адамзаттың асыл мұрасы болып табылған ертегілердің оқырманға берер тәрбиелік әрі көркемдік – эстетикалық мәні орасан зор.

Автор осының алдында Қазақстанды мекендейтін Ұйғыр, Дұнған, Әзірбайжан, Белорус, Шешен – ингуш, Украин халықтарының ертегілерін тәржімалаған болатын. Бұл екінші кітапта басқа бауырлас халықтардың ертегілері қамтылған. Жинақтағы ертегілер – егемен Қазақстан жерін мекен еткен бауырлас халықтардың ежелгі ауыз әдебиеті жаhұттарының озық үлгілерін ұсынуды мақсұқтаған.

Кітап Қазақстан Республикасы Мемлекеттік рәміздері туралы жан – жақты ғылыми – көркем пайымдау арқылы замандастарымыздың бойында мемлекеттік мұраттарға адалдық, елдік аңсарларға сүйіспеншілік және отаншылдық сезімдерін оятуға бағытталған.

«Сиқырлы кілтте» — жер бетіндегі түрлі ұлттардың тұрмыс-тіршілігі, салт-дәстүрі, әдет-ғұрпы, бүкіл болмысы, адамдардың өзара қарым- қатынасы, мінез-құлқы, т.б. ой-қиялы арқылы тартымды бейнеленген. Сондай-ақ ортақ сюжетке кұрылған, яғни барлық халықтарға ортақ болып табылатын ертегілер де бар. Тәрбиелік мәні зор осынау жинак қанатты сөздер мен бейнелі тіркестерге де бай. Кітап ертегі сүйетін балаларға арналға

Б. Бабашеваның «Айсезім» атты өлеңдер жинағы «Жаңа қазақ әдебиеті» сериясына еніп отыр. Автор іңкәр сезімді, көңіл күйін, махаббат пен мүнды кестелі сөзбен өрнектейді.

Бұл кітапқа Қазақстанның халық артисі, көрнекті кино және театр ре¬жиссері, профессор, «Құрмет» және «Парасат» ордендерінің иегері, Шыңғыс Айтматов атындағы халықарапық сыйлықтың лауреаты Талғат Досымғалиұлы Теменовтің өнер мен мәдениет, әдебиет саласының тұлғалары және қоғам қайраткерлері туралы әр жылдары жазылған жүрекжарды портреттік мақалалары, шығармашылық кескіндемелері, сұхбаттар, тағы да басқа толғамдары еніп отыр. Топтастырылған мағынасына қарай кітап екі бөлімге бөлінген. Жинақ өнерсүйер көпшілікке, жалпы оқырманға арналады.

Ұсынылған монография-Қазақ хандығының билеуші әулеті Шыңғыс ұрпақтарының қоғамдық-саяси қызметтерін, орнын рөлін және олардың әлеуметтік –тұрмыстық ахуалдарын аңықтауға жасалған кешенді зерттеу.

Қытай тарихнамасындағы қазақ тарихы : Тарихнамалық талдау.

Тағдыр! Адам тағдыры Ес біліп, ат жалын тартып мінуге жарағаннан халқының бел ортасында болып,еліне жарты ғасырдан астам адал қызмет еткен абзал азаматтың тағдырытуралы баяндалады.

«Тұншыққан шындыктың» бірінші бөлімінде бүгiнгi таңға дейiн жалған тергеу амалдарымен сотталып, сонан соң құпияланып келген жаттанды көзқарастың шаңы қағылып, саяси куғын-сүргін құрбандары мен зардабын тартқандар туралы ел аумағында жинақталған 113 258 купия қылмыстық кұжаттарын құпиясыздандыру бағытында iстелген іс-әрекеттер баяндалады. Екiншi, «Қазақ мұны») бөлiмiнде қазақтын ұлттық санасын құлдырату мен онын ұлттық өз өрнегін құрту мақсатында Ресей патшалығы мен Кеңес дәуiрiнде жүргiзiлген iс-амалдарға тарихи шолу жасалып, зерделi окырманды жана ұлттық, Қазақстандық, көз қарас қалыптастыруға итермелейді.

Шығармада бала тәрбисінен бастап отбасылық, достық, ағайындық қарым – қатынастың дұрыс қалыптасуына арқау болған қазақтың салт –дәстүрлері мен әдет –ғұрыптары көрініс тапты. Сондықтан жалпы қауымға ұлттың алтын діңгегі – салт – дәстүрлер мен әдет – ғұрыптың құндылығын, тәрбиелік түп – тамырын, мәнін түсіндіру, дәріптеу мақсатында ұсынылған кітап.

Кітапта ешқашан құны жоғалмайтын өзекті мәселелер: отбасалық құндылықтар, ұрпақ тәрбиесі, ана тілдің мерейі, ауызбіршілікте өмір сүру туралы ой – толғамдары жинақталған.

Автордың бұл жыр кітабы төрт бөлімнен тұрады. Жинаққа бұрын жарық көрген «Ақ қайнар», «Ару арманы», «Қос қанат», «Қос ішек» деген кітаптарына енген өлеңдері мен толғау, поэмалары және соңғы кездері жазған жаңа шығармалары енді. Ақын жырларының әрбір жолынан ана жүрегінің мейірімге толы лүпілі аңғарылып тұрады.

Қаламгердің бұл кітабына әр жылдары жазып, «Егемен Қазақстан», «Қазақ әдебиеті», «Жас қазақ», «Жас алаш» сынды мерзімді басылым беттерінде түгелдей жарияланған, танымдық мәні терең, оқушысына ой салатын дүниелері енді.

Романда Батыс өңіріне кеңінен танымал атышулы банды атанған Құныскерей Қожахмет баласының Түркімен еліндегі өмір жолы тарихи деректерге сүйене отырып, дәлме – дәл суреттеледі. Қым – қиғаш тартысқа құрылған шығарма сюжеті күрделі оқиғаларды тізбектеп, өлім мен өмір арасындағы қанды айқастарға әкеп соқтырған небір арпалыстарды сөз етеді. Романдағы Айбала Зәкирқызының қиын да күрделі тағдыры шынайы шындықтан алынған, өмірде болған оқиға екенін оқырман бірден аңғарады деп ойлаймыз.

Бұл ретте автор оқырман тарихпен тәрбиелеу, оқырманына тарих арқылы тәрбие беру сынды өзінің байырғы ұстанымы жетегімен әрекет етті. Сөйтіп өзінің осы тұжырымдамасы тұрғысынан әркімнің тарихтан сабақ ала отырып, өзін - өзі отаншыл, мемлекетшіл, ең дұрыс та жақсы мағынас–ндағы ұлтшыл ретінде сомдауына жәрдемдесу мақсатында қалам тербеді.

Филология ғылымдарының докторы, Қазақстан Республикасының Еңбек сіңірген қайраткері, Ұлттық ғылым академиясының академигі, Қазақстан Жазушылар одағының мүшесі Уәлихан Қалижановтың «Жамбыл» атты роман-этюді жыраулық, айтыс өнерінің көрнекті өкілі, ғасыр Гомері атанған, екі заманның куәсі Жамбыл Жабаевтың өміріне арналған. Роман-этюд Жамбылдың ақындық, айтыскерлік, азаматтық болмысын ашады. Кезінде қазақтың ұлы классик жазушысы Мұхтар Әуезов оны «Жетісу ақындарының алтын діңгегі» деген еді. Роман-этюдте Жамбылдың 1917 жылғы Қазан төңкерісінен бұрынғы және кеңестік дәуірдегі өмірі көркем әдістермен сипатталады. Оқиғалардың барлығы Жамбыл туралы естелік қалдырған қайраткерлердің жазбаларының негізінде жазылған. Өмір шындығы, заман келбеті нақты көрсетілген. Роман-этюд тосын деректерімен оқырманды баурап алады.