«БІР ЕЛ - БІР КІТАП» АКЦИЯСЫ

Қымбатты оқырмандар!

Біздің  республикамызда  жылда  «Бір ел – бір кітап» акциясы өтіп тұрады.  Бұл акция  ҚР Мәдениет және ақпарат министрлігі мен Астанадағы Ұлттық академиялық кітапхана бастамасымен  2007  жылдан бері өткізіліп келеді. Биыл бұл акция Қазақстанда тоғызыншы  рет ұйымдастырылып отыр. Бұл шара көрнекті ақын-жазушының кітабын, республика көлемінде насихаттап, жас ұрпаққа оқытуды, таныстыруды көздейді.
Ел жаппай оқуға тиісті кітап ретінде бірінші Абайдың «Қара сөздері» таңдалды.  2008 жылы М.Әуезовтың «Қилы заманы», 2009 жылы Мағжан Жұмабаевтың өлеңдері алға шықты. «Жыл кітабы» мәртебесін  2010 жылы Жұбан Молдағалиевтың «Мен қазақпын!» поэмасы,  2011 жылы Жүсіпбек Аймауытовтың  «Ақбілек» романы, 2012 жылы Оралхан Бөкейдің прозасы алынды. 2013 жылы ақын Ф. Оңғарсынованың тамаша жырларымен таныстық. 2014 жылы Сайын Мұратбековтың «Жусан исі» және «Басында Үшқараның...» атты шығармалары ең көп дауыс жинап, жыл кітабы болып таңдалды. 2015 жылы Ілияс Есенберлиннің «Көшпенділер» романы таңдап алынды. 2016 жылы ХІХ ғасыр қазақ әдебиетінің көрнекті өкілдерінің бірі – Дулат Бабатайұлының шығармаларына берілді. 2017 жылы Сұлтанмахмұт Торайғыровтың шығармалары ұсынылды. 2018 жылы Шәкәрім Құдайбердіұлының шығармалары, Немат Келімбетовтың «Үміт үзгім келмейді» және Бауыржан Момышұлының «Ұшқан ұя»  кітабы ұсынылды.
«Бір елбір кітап 2019» республикалық акциясы бойынша биыл екі кітап таңдап алынды.  Әбіш Кекілбаевтың «Аңыздың ақыры» романы мен ақын Әбділда Тәжібаевтің өлеңдері.
2020 жылы Ұлы Абайдың 175 жылдық мерейтойына орай М.Әуезовтың «Абай жолы» роман-эпопеясы. Шығыс ғұламасы Әбу Насыр әл-Фарабидің 1150 жылдық мерейтойына  орай Әнуар Әлімжановтың «Ұстаздың оралуы» романы таңдалды.

Акция республикамыздың барлық кітапханаларында өткізіледі.
Баршаңызды осы кітаптарды оқуға шақырамыз!

Сәтбаев қаласының балалар мен жасөспірімдер кітапханасы» КММ-нің   
«Бір ел-бір кітап-2020» республикалық Акциясының жұмысын  ұйымдастыру бойынша
іс-шаралар жоспары

Іс-шаралар атауы

Формасы

Өткізу мерзімі

Өтетін орны

1

«Бір ел -  бір кітап»  акциясы аясында Ә.Кекілбаевтың «Аңыздай болған аңыз тұлға»

Кітап көрмесі

Жыл бойы

«Сәтбаев  қаласының балалар мен жасөспірімдер кітапханасы» КММ

2

«Бір ел -  бір кітап»  акциясы аясында

М.Әуезовтың «Абай жолы» роман-эпопеясы, Әнуар Әлімжановтың «Ұстаздың оралуы» романы

Библиокафе

 

07.10.20.

«Сәтбаев  қаласының балалар мен жасөспірімдер кітапханасы» КММ

© 2007-2019 Сәтбаев қаласының балалар мен
жасөспірімдер кітапханасы ККМ
Все права защищены
Яндекс.Метрика
© 2013 Разработка и поддержка:
Интернет-компания «Creatida»